1.- BASES
Orde do 13 de abril de 2012 (DOG nº 75, 19 de abril de 2012) pola que se convocan bolsas de formación de tecnólogos e persoal de apoio á investigación, bolsas de prácticas para os titulados recentes en especialidades agrarias, forestais, veterinaria, tecnoloxía dos alimentos e bioloxía e bolsas de prácticas para alumnos e titulados recentes de formación profesional da familia agraria.
2.- PRAZAS QUE SE PODEN SOLICITAR NA FUNDACIÓN CENTRO TECNOLÓXICO DA CARNE (CTC)
O CTC ten concedidas 6 prazas para tecnológos:
- 1 Licenciado en ciencias químicas
- 2 Licenciados en ciencia e tecnoloxía dos alimentos
- 1 Enxeñeiro agrónomo
- 2 Enxeñeiros técnicos agrícolas
3.- CARÁCTER DAS BOLSAS
Consistirán nun programa titorizado que se desenvolverá nas instalacións da Fundación Centro Tecnolóxico da Carne. A concesión e desfrute obrigan ao cumprimento das condicións de funcionamento, horario, presenza física e instrucións do titor nomeado pola Fundación. As persoas beneficiarias integraranse no réxime xeral da Seguridade Social.
4.- BENEFICIARIOS
1. Para o caso dos tecnólogos os beneficiarios serán as persoas recentemente tituladas nas especialidades que se indican no punto
2. Enténdese por titulado recente aquela persoa que obtivese a titulación entre o mes de abril do 2011 e a data de remate do prazo de presentación de solicitude destas bolsas (19/5/2012).
5.- DURACIÓN E IMPORTE
As bolsas para formación de tecnólogos e persoal de apoio á investigación terán unha duración de 5 meses (xuño a novembro). O importe económico por mes de prácticas será de 1.000€ .
6.- PRAZO DE PRESENTACIÓN DE SOLICITUDES
O prazo remata o 19 de maio de 2012 e as solicitudes deben dirixirse á Subdirección Xeral de Formación e Transferencia Tecnolóxica da Consellería do Medio Rural e do Mar.
7. QUE OFRECE A FUNDACIÓN CENTRO TECNOLÓXICO DA CARNE
- Labores na Planta Piloto: as prácticas a realizar consistirán no desenvolvemento e aplicación dun plan de APPCC, control de procesos, trazabilidade e, en xeral, todos os requisitos para a xestión dun sistema de seguimento dos puntos de control, mantemento de rexistros, establecemento de accións correctivas, caracterización de canal de diferentes especies e razas de animais, produtos de IV e V gama, desenvolvemento de novos produtos cárnicos e novos procesos, envasados, etc.
- Labores na Oficina de Proxectos: nesta área, as prácticas terán que ver coa execución de proxectos de I+D+i, é dicir, documentacióndos seus procesos de xestión, asistencia na elaboración do plan do proxecto, obtención de indicadores de custo, tempo e calidade do proxecto, etc.
- Actividades de Transferencia Tecnolóxica: seguimento dos campos de ensaio que ten en marcha o centro, toma de mostras de auga, análise de terras, elaboración dun mapa de solos e augas, etc.
- Análises e traballos nos distintos laboratorios dos que dispón a Fundación Centro Tecnolóxico da Carne: Laboratorio de Microbioloxía, Laboratorio de Bioloxía Molecular, Laboratorio de Físico-Química, Laboratorio de Cromatografía.
- Realización e preparación de catas.
 Bolsas de prácticas 2012 (1).pdf | 739 Kb |
