Emilio González Cacheiro desenvolveu a súa carreira profesional en postos relacionados coa promoción comercial e a administración de empresas.

Despois da experiencia acumulada en diversas empresas do sector agroalimentario, no ano 2007 incorporouse ao Centro Tecnolóxico da Carne, facéndose cargo da área de Administración. As súas responsabilidades á fronte deste departamento son elaborar e executar o orzamento anual, administración da posición financeira, persoal, obtención de recursos e, en xeral, controlar a actividade do centro en termos da contribución económica ao desenvolvemento dos seus obxectivos. Colabora, ademais, na execución de diversos proxectos de investigación acadados en convocatorias competitivas.
Foi membro colaborador na redacción do Plan Estratéxico da Transformación da Carne en Galiza.