O laboratorio de Cromatografía ten posto a punto as técnicas para a determinación de aminoácidos e aminas bióxenas, a determinación de catións e a determinación do perfil de ácidos graxos fundamentalmente. Como técnica analítica instrumental que é, mediante a cromatografía, temos capacidade de proporcionar información tanto cualitativa como cuantitativa acerca da composición da mestura que se necesite estudar.

O noso laboratorio de cromatografía está integrado por un equipo de traballo que conta coa especialización e cualificación requirida para levar a cabo con alta eficiencia as súas funcións, prestando especial atención na permanente actualización de coñecementos na área da súa competencia, o cal permite cumprir coa nosa política de calidade e coa misión do CTC.