BOLSAS DA CONSELLERÍA DO MEDIO RURAL E DO MAR PARA FORMACIÓN DE TECNÓLOGOS E PERSOAL DE APOIO 2014

Novas

1.- BASES

Orde do 14 de maio do 2014 (DOG nº 109, do 10 de xuño do 2014) pola que se convocan bolsas de formación de tecnólogos e persoal de apoio á investigación, bolsas de prácticas para os titulados recentes en especialidades agrarias, forestais, Veterinaria, Tecnoloxía dos Alimentos e Bioloxía e bolsas de prácticas para alumnos e titulados recentes de formación profesional da familia Agraria, cofinanciadas polo Fondo Social Europeo (FSE).

2.- PRAZAS CONCEDIDAS AO CTC

6 : Licenciatura en Ciencia e Tecnoloxía dos Alimentos ou Veterinaria ou Química ou Enxeñería Agrónoma ou Enxeñería Técnica Agrícola ou Bioloxía.

6: Titulación ciclo superior da familia Química ou da familia de industrias Alimentarias ou da familia Agraria.

3.- CARÁCTER DAS BOLSAS

Consistirán nun programa formativo titorizado que se desenvolverá nas instalacións da Fundación Centro Tecnolóxico da Carne. A concesión obriga ao cumprimento das condicións de funcionamento, horario, presenza física e instrucións do titor nomeado pola entidade. As persoas beneficiarias integraranse no réxime xeral da Seguridade Social.

4.- BENEFICIARIOS/AS

Condicións previas: ter veciñanza en Galicia, ou ser natural de Galicia, ou ser descendente ata 3º grao de emigrantes galegos no exterior.
Para o caso dos tecnólogos os beneficiarios serán as persoas recentemente tituladas nas especialidades que se indican no Anexo I da orde.

Entenderase por recentemente titulado aquela persoa que obtivo a titulación entre o 9 de xullo do ano 2013 e a data de remate do prazo de presentación de solicitude destas bolsas (10/07/2014).

As bolsas de prácticas nos centros de formación e experimentación agroforestal que se relacionan no Anexo I, poderán ser solicitadas por alumnos que durante o curso 2013-2014 estean realizando ensinanzas profesionais dos ciclos medio ou superior nalgún centro de formación autorizado.
As bolsas de prácticas en empresas poderán ser solicitadas por enxeñeiros agrónomos, enxeñeiros técnicos agrícolas, enxeñeiros de montes, enxeñeiros técnicos forestais, licenciados en veterinaria, licenciados en ciencia e tecnoloxía dos alimentos e licenciados en bioloxía.

5.- DURACIÓN E IMPORTE

As bolsas para a formación de tecnólogos e persoal de apoio á investigación terán unha duración de 4 meses (entre xuño e novembro). O importe económico por mes de prácticas será de 1.000 € para tecnólogos e 800 € para persoal de apoio.
Para titulados e alumnos de segundo cursos en ensinanzas de formación profesional terán unha duración de 3 meses (xullo – outubro) e o importe económico por mes de prácticas será de 800 €.
Para os titulados recentes de prácticas en empresas terán unha duración de 3 meses (xullo – outubro), e o importe económico por mes de prácticas será de 1.000 €.

6.- PRAZO E PRESENTACIÓN DE SOLICITUDES

As solicitudes presentaranse preferentemente por vía electrónica a través do formulario normalizado dispoñible na sede electrónica da Xunta de Galicia: https://sede.xunta.es, para o que se require DNI electrónico ou certificado electrónico.
Prazo de presentación é dun mes contado a partir do día seguinte ao da publicación desta orde no DOG. Fin: 10 de xullo do 2014.
Unha vez rematada o prazo de solicitude, as listas de provisionais de admitidos e excluídos estarán a consulta na web da Consellería do Medio Rural e Mar no apartado de formación:

http://www.medioruralemar.xunta.es/anuncios/formacion/vixentes/investigacion_e_formacion/

7.- QUE OFRECE A FUNDACIÓN CENTRO TECNOLÓXICO DA CARNE

Labores na Planta Piloto: As prácticas a realizar consistirán no desenvolvemento e aplicación dun plan APPCC, control de procesos, trazabilidade e, en xeral, todos os requisitos para a xestión dun sistema de seguimento dos puntos de control, mantemento de rexistros, establecemento de accións correctivas, caracterización de canal de diferentes especies e razas de animais, produtos de IV e V gama, desenvolvemento de novos produtos cárnicos e novos procesos, envasados, etc.
Labores na Oficina de Proxectos: nesta área, as prácticas terán que ver coa execución de proxectos de I+D+i, é dicir, documentación dos seus proxectos de xestión, asistencia na elaboración do plan do proxecto, obtención de indicadores de custo, tempo e calidade do proxecto, etc.
Actividades de Transferencia Tecnolóxica: seguimento dos campos de ensaio que ten en marcha o centro, toma de mostras de auga, análise de terras, elaboración dun mapa de solos e augas, etc.
Análises e traballos nos distintos laboratorios dos que dispón a Fundación Centro Tecnolóxico da Carne: Laboratorio de Microbioloxía, Laboratorio de Bioloxía Molecular, Laboratorio de Fisicoquímica, Laboratorio de Cromatografía.
Realización e preparación de catas.

Bases 2014 bolseiros_as Medio Rural e Mar (PDF)