I+D+i

Os servizos de I+D+i que presta a Fundación permiten ás empresas responder á necesidade continua e cada vez máis acelerada de evolución tecnolóxica, adaptándose con flexibilidade a un entorno en rápida transformación.

A investigación, o desenvolvemento e a innovación son aspectos que, malia seren indispensables para o bo funcionamento individual e xeral da economía, requiren grandes esforzos que moitas veces non poden afrontarse illadamente.

As instalacións, a tecnoloxía e a elevada cualificación do equipo humano da Fundación convértena nun socio estratéxico das empresas agrarias e agroalimentarias para a coordinación e execución dos seus proxectos e a resposta aos seus requirimentos, constituíndose nunha ferramenta de competitividade ao servizo do sector agroalimentario de Galicia.

Os servizos que o CTC ofrece nesta área abarcan todas as fases dun proxecto de investigación, como son:

• Proposta e definición de proxectos
• Busca de financiamento
• Coordinación, seguimento e avaliación de proxectos
• Xustificación económica e administrativa
• Apoio na desgravación fiscal por gastos en I+D
• Explotación de resultados da I+D
• Proxectos “chave en man”