GOI Gamallo Millo

Título: “Implementación das técnicas de cultivo de millo en grao na comarca da Limia” (FEADER 2019/007A).

Entidades Participantes: Almacenes Gamallo, S.L., Centro Tecnolóxico da Carne (CETECA) y Roberto Nieto Limia.

Duración: marzo 2019 a outubro 2021.

Financiamento: Orzamento 118.595 € subvencionado ao 80% e financiada cun 75% con fondos FEADER, 22,5 % fondos propios da Xunta de Galicia e 2,5 % fondos do MAPA.

Convocatoria: RESOLUCIÓN do 26 de decembro de 2018 pola que se establecen as bases reguladoras para a concesión, en réxime de concorrencia competitiva, das axudas para o apoio de proxectos piloto para o desenvolvemento de novos produtos, prácticas, procesos e tecnoloxías no ámbito agroforestal, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2014-2020, e se convocan para o ano 2019. (DOG Núm. 26, 6 de febreiro de 2019).O proxecto de innovación titulado “Implementación das técnicas de cultivo de millo en grao na comarca de A Limia” está liderado por Almacenes Gamallo e promove a introdución de variedades de millo de grao, coma un recurso alternativo a un mercado limitado e sometido ás producións e demandas dun número reducido de cultivos. a selección das variedades máis axeitadas segundo as condicións climatolóxicas e edafolóxicas que proporciona a comarca de A Limia require de ensaios de adaptación, así coma de estudos dos ciclos produtivos na procura dos mellores rendementos.

Nesta iniciativa a tres anos, avalíase o interese produtivo das variedades locais, o que é necesario para o enriquecemento do rural galego. Tamén estuda a posible incorporación de variedades de millo creadas ou seleccionadas para a produción de flocos de millo, co que se amplían novos nichos de mercado.

A entidade Almacenes Gamallo coordina o proxecto e encárgase da realización dos ensaios de variedades e da creación dunha rede de agricultores. O socio colaborador Centro Tecnolóxico da Carne (CETECA) implicará os seus recursos propios para o estudo da calidade das colleitas e coma asesor agronómico, e finalmente, o agricultor Roberto Nieto levará a cabo tarefas culturais.Este proxecto conta co apoio da Xunta de Galicia e do FEADER (Fondo Europeo Agrícola de Desenvolvemento Rural) mediante o programa de axudas para proxectos piloto para o desenvolvemento de novos produtos, prácticas, procesos e tecnoloxías no ámbito agroforestal.

IMAXES DAS ACTIVIDADES REALIZADAS: